| ليل الحنين |
|
المقاله تحت باب أدب شعبي روحي غيمه وسارحه***وبلا قرار بسكته ياخذه الهوى وبارض الوطن تنزل مطر مرة تشبكها الليالي**ومره ياخذه الحنين بعيد وتبوس الكمر ترجه سالوفه وحجي من احباب** ا غربها الدهر تريد حنيه ووطن** تريد دمعه يصير بيهه الشوك نيران وجمر تطفي كل لوعات كلبي**ا تكحل عيوني باْماني**عيوني ذوبها السهر عمري غربه**الناس غربه والوطن صاير غريب**ا وكل محطاتي كضت غربه وسفر اصحه يا ليل المحبه**ا وصير شمعه تضوي ظلمات العمر وخلي اشم ريحة هلي **ا وتدري عمري انكضه بلوعات وقهر انا بعد احباب كلبي**ما ضكت طعم الحياة وحتى اكلي طعمه مر خذوني سباحة غصن مكطوع *يجرفها البحر خذوني ودوني للبصره**وي الحبايب تحله كعدات السمر هناك بس تحله الليالي**مسامر الحد السحر نغني للنخله ووطنه**نغني للنهرين فرحه وامل لو طر الفجر |